Бир ойда Ўзбекистондаги реабилитация марказларига 1,7 мнгдан зиёд аёллар мурожаат қилди
Тошкент. 22 феврал. ЎзТАГ – Бир ойда Ўзбекистондаги реабилитация марказларига 1,7 мнгдан зиёд аёллар мурожаат қилдилар, деб хабар беради Ўзбек телеграф агентлиги (ЎзТАГ).
“Январ ойи давомида Зўрлик ишлатишдан жабр кўрган шахсларни реабилитация қилиш ва мослаштириш ҳамда ўз жонига қасд қилишнинг олдини олиш марказларига (шелтерлар) 1712 нафар аёл мурожаат қилди”, - дейилади Ўзбекистон Хотин-қизлар қўмитаси матбуот хизматининг хабарида.
Қайд этилишича, булардан 303 нафар аёлга тиббий, 434 – психологик, 377 – ҳуқуқий ёрдам кўрсатилган. 271 нафар аёлнинг бандлигини таъминлашга кўмак берилиб, 99 нафарига кредит олиб ўз ишини бошлашига ёрдам берилган, 487 нафар аёлнинг оиласи яраштирилган.
Эслатиб ўтамиз, бугунга қадар Ўзбекистонда ташкил этилган шелтерлар сони 160 тага етди. Мамлакатдаги биринчи Зўрлик ишлатишдан жабр кўрган шахсларни реабилитация қилиш ва мослаштириш ҳамда ўз жонига қасд қилишнинг олдини олиш маркази 2018 йилда ташкил этилган.
