Бир ойда Ўзбекистоннинг олтин-валюта захиралари қарийб $87 млнга кўпайди

Тошкент. 22 ноябр. ЎзТАГ – 1 ноябр ҳолатидаги маълумотларга кўра, Ўзбекистоннинг олтин-валюта захиралари ҳажми $86,8 млнга: $26 млрд 407,3 млндан $26 млрд 494,1 млнгача кўпайди, деб хабар беради Ўзбек телеграф агентлиги (ЎзТАГ).

Ўзбекистон Марказий банкининг маълумотига кўра, шу жумладан, ҳисобот даврида хорижий валютадаги актив $11 млрд 846,1 млнни, монетар олтин - $14 млрд 648 млнни, соф олтин-валюта захиралари $25 млрд 716,4 млнни ташкил этди.

Қайд этилишича, январ-октябр ойларида олтин-валюта захираларининг камайиши қисман олтин нархининг $1296,50 дан $1217,70 тр.унцияга пасайиши ҳисобига юзага келди (нархнинг олтин-валюта захираларининг камайишга таъсири - $853 млн).

Октябрь ойида олтин-валюта захираларининг кўпайиши қисман олтин нархининг $1183,50 дан $1217,70 тр.унцияга ўсиши ҳисобига юзага келди (нархнинг олтин-валюта захираларининг кўпайишига таъсири - $403,2 млн).

Сурат манбаи: https://www.pinterest.fr