123

Франция Гулнора Каримовага тегишли кўчмас мулкларни сотишдан тушган пулларни Ўзбекистонга қайтаради

Дата: 11:42, 10-07-2019.

Тошкент. 10 июль. ЎзТАГ - Франция Гулнора Каримовага тегишли кўчмас мулкларни сотишдан тушган пулларни Ўзбекистонга қайтаради, дея хабар беради Ўзбек телеграф агентлиги (ЎзТАГ).

"9 июль куни Ўзбекистон биринчи Президентининг қизи Г.Каримованинг Франциядаги мулкларини мусодара қилиш тўғрисидаги қарор кучга кирди. "Ноқонуний равишда қўлга киритган" учта кўчмас мулкни (Париждаги квартира, Сен-Тропе туманидаги вилла ва Париж атрофидаги қаср) сотишдан тушган пуллар ўзбек бюджетига қайтиши керак", - дейилади RFI материалида.

Таъкидланганидек, Каримованинг Париждаги квартираси 31 млн евро, Сен-Тропе туманидаги вилла 28 млн еврога, Париж атрофидаги қаср эса 2,4 млн еврога сотилган.

"Франция тергов" кўчмас мулк бошқариш компаниялари" (Société civile immobilière – SCI) учун расмийлаштирилган уч объект Ўзбекистон телекоммуникация бозорига кириш учун берилган коррупцион пуллар "меваси", деган хулосага келинди. Пуллар Швеция, Россия ва Голландияда рўйхатдан ўтган компаниялардан олинган", - дейилади хабарда.

Учала объект ҳам мусодара қилинди.

"Мусодара қилинган (Францияда) кўчмас мулк объектлари хорижий давлатга бадал сифатида берилмайди, бироқ Ўзбекистон уларни сотилишидан маблағга эга бўлади", - деб қайд этилади хабарда.

Таъкидлаш жоизки, Париждаги "Каримова квартираси" 2019 йилнинг баҳорида 14 млн еврога ким ошди савдосида сотилган. Мусодара қилинган "Каримова маблағлари”нинг бир қисми – 2 млн евро – "тергов харажатлари"ни қоплаш учун сарфланади.

Эслатиб ўтамиз, 2015 йилда Г.Каримовага нисбатан Швеция, Швейцария ва АҚШда бир миллиард долларга яқин маблағни ўзлаштирганликда айбланиб, жиноий иши қўзғатилган эди.

2017 йил декабрь ойида Г.Каримова Ўзбекистонда қарийб 53 млн. доллар молиявий суиистеъмолликлар учун 10 йилга озодликдан маҳрум этилди, бироқ шикоят қилинганидан кейин ҳукм бироз юмшатилиб, 5 йилга озодликдан маҳрум этилди (уй қамоғи шароитида). Колонияга уни уй қамоғи шартларини бузганлиги учун кўчирилган (интернетдан фойдаланиш, уйдан чиқиб кетиш “тўсиқ”ларини қоплаш учун).

Ҳозирги кунда Г.Каримова Тошкент вилояти Зангиота туманидаги 21-аёллар колониясида жазони ўтамоқда, у ерга уй қамоғидан 2019 йил март ойида кўчирилган.

Сурат манбаи: ok.ru

Янгилик билан ўртоқлашиш: