Халқаро форумда Бухоронинг инвестициявий салоҳияти тақдим этилди

Тошкент. 11 сентябр. ЎзТАГ – 10-11 сентябр кунлари бўлиб ўтаётган “Агро Бизнес Бухоро” Халқаро форумида ҳудуднинг инвестициявий салоҳияти ҳақида видеороликлар тақдим этилди, деб хабар беради Ўзбек телеграф агентлиги (ЎзТАГ).

“(…) вилоят ҳокимияти томонидан инглиз тилида Бухоронинг маълум туманларига бағишланган 13 мавзувий видеороликлар тайёрланган”, - дейилади Давлат инвестиция қўмитасининг хабарида.  

Таъкидланишича, #INVESTINBUKHARA шиори остида Бухоро вилоятининг 10 туманлари: Олот, Бухоро, Вобкент, Ғиждувон, Жондор, Когон, Қоровулбозор, Пешку, Ромитан, Шофиркон, Бухоро вилояти маркази ва қишлоқ хўжалиги бўйича янги ташкил этилган “Бухоро-Агро” эркин иқтисодий ҳудуди сармоявий салоҳияти тақдим этилган. Сўнгги ЭИЗ форумнинг асосий объекти саналади.

“Роликларда туманлар бўйича асосий иқтисодий фаолият йўналишлари, асосий кўрсаткичлар, ҳудудий ва географик ҳолат тақдим қилинган. Ҳудудларнинг кўлами ва мавжуд инфратузилмани намойиш этиш учун жойларда суратга олиш ишлари амалга оширилди. Шунингдек, салоҳиятли инвесторлар олиши мумкин бўлган махсус каталог ишлаб чиқилди”, - деб таъкидлади Бухоро вилояти ҳокимининг инвестициялар ва инновациялар бўйича ўринбосари Нозимжон Холмуродов.

Шундан кейин қайд этилишича, бу барча видеосюжетлар халқаро форум иштирокчилари учун эфирга узатилади. Форум дастуридан ишлаб чиқарувчилар кўргазмасини ўтказиш ва “Бухоро-АГРО” ЭИЗга ташриф буюриш ҳам режалаштирилган.

Эслатиб ўтамизки, инвестиция тадбири Ўзбекистон инвестициялар давлат қўмитаси кўмагида Бухоро вилоят ҳокимлиги томонидан ташкил этилган.

“Бухоро-агро” ЭИЗда хорижий ва маҳаллий сармояларни жалб қилган ҳолда кластер шаклида замонавий иссиқхона хўжаликларини қуриш, шу жумладан, гидропоника технологияларини қўллаган ҳолда, шунингдек, энергия тежовчи иссиқхоналар қуриш учун конструкциялар, ускуналар ва бошқа бутловчи қисмлар ишлаб чиқаришни йўлга қўйиш режалаштирилмоқда.  

ЭИЗнинг асосий вазифалари орасида қишлоқ хўжалик маҳсулотларини ишлаб чиқариш, қайта ишлаш ва экспорт қилиш, замонавий логистика инфраструктурасини шакллантириш, талаб юқори бўлган қишлоқ хўжалик экинларининг кўчатларини етиштиришни ташкил этиш, шунингдек, бирламчи уруғчиликни ташкил қилиш кабилар бор.

Сурат манбаи: из https://news.karpaty.rocks