Ҳукумат банклар томонидан банкрот корхоналарни сотиш бўйича янги тартибларни тасдиқлади

Тошкент. 7 апрель. ЎзТАГ – Ўзбекистон ҳукумати банклар томонидан қайта тикланган корхоналарни аукцион ва конкурслар орқали сотишни осонлаштирадиган бир қатор янги қоидаларни тасдиқлади, дея хабар беради Ўзбек телеграф агентлиги (ЎзТАГ).
“Кейинги пайтларда кўплаб қайта тикланган корхоналар акцион ва конкурс савдоларига бир неча маротаба қўйилиши, шунингдек, инвесторлар билан тўғридан-тўғри музокаралардан кейин ҳам ўз ҳаридорини топмасдан банклар балансларида “осилиб” қолаётганлиги тенденцияси кузатилмоқда. Янги қоидалар ушбу жараёнларни рағбатлантириб, инвесторларни тикланган корхоналарни сотиб олишдан манфаатдор қилишга имкон беради”, - дея қайд этди Тошкентдаги банклардан биридаги манба.
Хусусан, тижорат банкларига корхона бўйича ўтказилган аукцион савдоси ҳақиқий эмас деб топилганидан ва инвесторларнинг қизиқишини уйғотмаганидан кейин ушбу корхоналар нархини қадамба-қадам 10% тушириш механизмини қўллаган ҳолда (лекин корхона бозор қийматининг 50% кўп бўлмаган ҳолда) сотишга рухсат этилди.
Корхона сотилганидан кейин акционерлар кенгаши ёки тижорат банклари кенгашлари балансдан объектларнинг баланс қиймати ва уларни сотишдан тушган пуллар орасидаги салбий фарқни, шунингдек, тижорат банклари талабларини ҳисобдан чиқаради.