Ўзбекистон ўрик экспортини икки баравардан кўпга пасайтирди

Тошкент. 22 июн. ЎзТАГ – Ўзбекистон ўрик экспортини икки баравардан кўпга: 50 минг тоннадан 23 минг тонна атрофигача пасайтирди, деб хабар беради Ўзбек телеграф агентлиги (ЎзТАГ) россиянинг EastFruit таҳлилий компанияси маълумотларига таянган ҳолда.

Хусусан, ширкат маълумотларига кўра, 2017 йилда Ўзбекистон ўрик экспорти ҳажмини икки баравардан кўпга: 50 минг тоннадан 23 минг тонна атрофигача пасайтиришига қарамасдан дунёдаги етакчи энг йирик янги ўрик экспортчилари орасида олтинчи ўринга тушиб кетди. Ушбу рейтингда Испания, Туркия, Франция, Италия ва Греция Ўзбекистондан олдинга ўтиб кетди.

Эслатиб ўтамизки, 2016 йил якунлари бўйича Ўзбекистон ўрик экспорт қилиш бўйича Испаниядан кейин 2-ўринни эгаллаб турган эди. Шу билан бирга, Ўзбекистондан экспорт қилинадиган ўрикнинг деярли 100% Россияга тўғри келади. Расмий статистика манбаларига кўра эса, катта ҳажмдаги ўрик Қозоғистонга ҳам экспорт қилинган.

Сурат манбаи: http://tyt-doctor.pp.ua/korist-i-shkoda-abrikosa/