Ўзбекистон сенаторлари парламент юқори палатаси раисини сайладилар

Тошкент. 23 январ. ЎзТАГ – Тошкентда янги чақирувдаги парламент юқори палатасининг мажлиси бўлиб ўтди. Унда Сенат раиси ва унинг ўринбосарлари, қўмиталарни шакллантириш ва уларнинг раисларини сайлаш каби ташкилий масалалар кўриб чиқилди, дея хабар беради Ўзбек телеграф агентлиги (ЎзТАГ).

“Яширин овоз бериш йўли билан сенаторлар Ниғматилла Йўлдошевни парламент юқори палатаси раиси қилиб сайладилар”, – деб таъкидлашди парламент юқори палатаси матбуот хизматида.

Ниғматилла Йўлдошев 1962 йилда Тошкентда туғилган, юрист маълумотига эга. 2011 йилдан бери Ўзбекистон Адлия вазири бўлиб ишлаган.

Шунингдек, яширин овоз бериш йўли билан унинг ўринбосари этиб Светлана Артикова сайланди.

Эслатиб ўтамизки, душанба, 19 январда МСК Сенатнинг биринчи мажлисини 22 январда чақириш ҳақида қарор қабул қилган эди.

Ўзбекистонда 2005 йилдан бери иккипалатали парламент фаолият юритади. Сенатда 100 депутат, қонунчилик (қуйи) палатасида 5 йил муддатга сайланадиган 150 депутат фаолият юритади.

Конституцияга мувофиқ, Сенатнинг қолган 16 аъзоси Ўзбекистон президенти томонидан мамлакатнинг энг обрўли кишилари – фан, санъат, адабиёт, ишлаб чиқариш ва бошқа давлат ва жамоатчилик фаолиятида алоҳида хизматлар кўрсатган шахслар орасидан тайинланади.  

Қолган 84 сенаторлар 13-14 январда тенг ҳисобда Қорақалпоғистон Республикаси, вилоятлар ва Тошкентдан олти кишидан сайланган. Сайловлар яширин овоз бериш йўли билан вилоятлар, туман ва шаҳарлар давлат ҳокимияти ваколатли органлари депутатларининг тегишли мажлисларида ушбу депутатлар орасидан сайланади. Янгидан сайланганлардан 38 сенатор юқори палатада бундан олдинги беш йиллик муддатда ҳам ишлаган.

Олдин хабар қилингани каби, Ўзбекистон парламент қуйи палатасига сайловлар 2 босқичда 2014 йил 21 декабр ва 2015 йил 4 январда бўлиб ўтди. Унинг биринчи мажлиси 12 январда ўтказилди.