Ўзбекистонда аҳолининг 60% мобиль алоқа билан қопланган
Тошкент. 6 ноябр. ЎзТАГ - Ўзбекистонда аҳолининг 60% мобиль алоқа билан қопланган, деб хабар беради Ўзбек телеграф агентлиги (ЎзТАГ) GSMA халқаро уюшмасининг “Мобиль иқтисодиёт: Россия ва МДҲ 2018” ҳисоботига таянган ҳолда.
“Жумладан, Россия мобиль алоқа операторлари 2020-йилда 5G тижорат тармоқларини ишга туширишни режалаштирмоқда, масалан, Озарбайжон, Белорусия, Грузия ва Ўзбекистонда янги авлод алоқаси фақатгина 2025 йилга бориб ишга туширилади, деб тахмин қилади GSMA. Шу билан бирга, ҳозирда МДҲ мамлакатларида Европа ва Шимолий Америкадан кейин дунёдаги мобиль алоқа билан қамровнинг энг юқори даражаси қайд этилган”, - деб қайд этилади ҳужжатда.
GSMA таҳлилчиларининг фикрига кўра, бу ҳол келгуси бир неча йил ичида минтақада абонентлар базасининг ўсишини чеклайди: 2025 йилга келиб алоқа хизматларининг кириб келиши 80%дан 82% гача ўсади, айни пайтда аксарият янги абонентлар ҳозирда аҳолининг 60% мобиль алоқа билан қопланган Ўзбекистонда пайдо бўлади.
Шу билан бирга минтақада 4G технологиясининг ҳам ўсиш салоҳияти катта. 2017 йил охиригача МДҲ мамлакатларидаги фаол абонентларнинг фақат 16 %и ундан фойдаланмоқда, уларнинг аксарияти Россияда.
“2017 йилда МДҲда жами 422 млн фаол сим-карта мавжуд бўлган (интернетга уланган нарсалардан ташқари). 2025 йилга бориб, минтақадаги барча уланишларнинг учдан икки қисми 4G улушига тўғри келиши, 5G улуши эса атиги 12 %ни ташкил этиши кутилмоқда. Шу билан бирга, фаол сим-карталарнинг умумий сони 437 миллионга етади”, - дейилади ҳисоботда.
Эслатиб ўтамиз, GSM уюшмаси бутун дунёдаги уяли алоқа операторларининг манфаатларини ифодаловчи ва 750 та мобиль алоқа операторлари ва мобиль алоқа соҳасида фаолият юритувчи 350 та компанияни бирлаштирган савдо ташкилотидир.
Сурат манбаи: ru.sputniknews-uz.com
