Ўзбекистонда янги микровэн ишлаб чиқариш режалаштирилмоқда
Тошкент. 5 январ. ЎзТАГ – Ўзбекистонда янги Chevrolet CMP микровэн юк автомобилини конвейер усулида ишлаб чиқариш режалаштирилмоқда, дея хабар беради Ўзбек телеграф агентлиги (ЎзТАГ).
Автомобиллар янгиликларига ихтисослашган маҳаллий “CARS-N” интернет-журналининг хабарига кўра, 2015 йилда General Motors Uzbekistan америка-ўзбек автомобиль компанияси Ўзбекистондаги заводларидан бирида Chevrolet CMP микровэнини ишлаб чиқаришни йўлга қўйиш ниятида. Ушбу автомобиль 1991 йилдан бери ишлаб чиқарилган Daewoo Labo моделининг янгиланган кўринишидир.
Янги Chevrolet CMP 0,8-литр сиғимга эга двигатель билан жиҳозланади. Машина механик трансмиссияга эга бўлади. Автомобиль 550 кг юк кўтаради. Ушбу модель Daewoo Damas микровэни ва Chevrolet Orlando минивэни ишлаб чиқариладиган заводда йўлга қўйилади.