"Газпромбанк" Ўзбекистон магистрал электр линияларига оид 7 та лойиҳани молиялаштиради

Дата: 12:32, 19-07-2019.

Тошкент. 19 июль. ЎзТАГ – "Газпромбанк" Ўзбекистон магистрал электр линияларига тегишли 7 лойиҳани молиялаштиради, деб хабар беради Ўзбек телеграф агентлиги (ЎзТАГ).

"17 июль куни Ўзбекистон элчиси Дилер Ҳакимов "Газпромбанк" Люксембург филиали Бошқарувчилар кенгаши раиси ва аъзоси Дмитрий Деркач ва унинг биринчи ўринбосари Сергей Некрасов билан учрашув ўтказди", - дейилади Ўзбекистон ташқи ишлар вазирлиги (ТИВ) матбуот хизмати хабарида.

Учрашувда банк Ўзбекистон билан ўзаро манфаатли ҳамкорликни янада ривожлантиришга қатъий тарафдор экани қайд этилди. Хусусан, Люксембург бўлими Европа компанияларини нефт-кимё маҳсулотларининг кенг номенклатурасини: битум, полиэтилен ва полипропиленни Ўзбекистонга етказиб беришни молиялаштиради.

Шунингдек, учрашувда "Газпромбанк" вакиллари энергетика ва савдо соҳаларида, шунингдек, қишлоқ хўжалиги соҳасида инвестиция лойиҳаларини молиялаштиришнинг турли вариантларини кўриб чиқишга тайёр эканликларини билдирдилар. Шунингдек, Ўзбекистон компанияларининг халқаро бозорларда экспорт операцияларини молиялаштириш бўйича лойиҳаларни ишлаб чиқишдан манфаатдор экани таъкидланди.

"Музокаралар якунида қатор келишувларга эришилди, улар доирасида магистрал электр линияларига тааллуқли 7 та лойиҳани молиялаштириш, қайта тикланадиган энергия манбалари, шу жумладан, шамол ва қуёш станциялари қурилиши лойиҳаларини ўрганиш, Наманган вилоятида инвестиция лойиҳаларини молиялаштириш бўйича инвестицияларни жалб қилиш бўйича томонларнинг кейинги иши назарда тутилмоқда", - дейилади хабарда.

Сурат манбаи: pv.uz

Янгилик билан ўртоқлашиш: