Мирзиёев ва Меркель 8 млрд евродан зиёдлик лойиҳалар бўйича келишувларга эришилганлигини хабар қилдилар

Тошкент. 22 январ. ЎзТАГ – Ўзбекистон президенти Шавкат Мирзиёев ва Германия Федераль канцлери Ангела Меркель 8 млрд евродан зиёдлик лойиҳалар бўйича келишувларга эришилганлигини хабар қилдилар, деб хабар беради Ўзбек телеграф агентлиги (ЎзТАГ).

Ўзбек етакчисининг матбуот хизмати маълумотига кўра, музокаралар аввалида ОАВ вакиллари учун брифинг бўлиб ўтди.

А. Меркель Ўзбекистон президентининг узоқ йиллардан кейинги ушбу ташрифи муҳим аҳамиятга эгалиги ва икки тарафлама ҳамкорликнинг ривожига кучли туртки беришини қайд этди.

Ўз навбатида, Ш. Мирзиёев Ўзбекистон делегациясига кўрсатилаётган юксак ҳурмат учун чуқур миннатдорлик билдириб, немис халқини 2019 йил май ойида нишонланадиган Германия Федератив Республикаси ташкил этилганининг 70 йиллиги билан табриклади.

“Томонлар инвестиция ва технологиялар соҳасидаги ҳамкорликни кенгайтиришга тайёр эканини билдирди. Ўзбекистон президенти ташрифи арафасида ўтказилган бизнес-форумда 8 млрд евродан зиёд қийматдаги янги лойиҳаларни амалга ошириш бўйича келишувларга эришилгани, бошқа битимлар бўйича ишлар давом этаётгани маълум қилинди”, - дейилади хабарда.

Халқаро ва минтақавий аҳамиятга молик асосий масалалар бўйича позициялар ўхшаш ва яқинлиги қайд этилди. Самарали мулоқотни икки ва кўп томонлама шаклда, жумладан, нуфузли халқаро тузилмалар доирасида изчил давом эттиришга интилиш муштарак экани тасдиқланди.

Шунингдек, немис тили чуқурлаштирилган ҳолда ўқитиладиган мактаблар тармоғини кенгайтириш, Германиянинг етакчи олий таълим муассасалари билан алоқаларни ривожлантириш борасидаги ҳамкорлик учун улкан салоҳият мавжудлиги таъкидланди.

Эслатиб ўтамиз, 20-22 январ кунлари Ўзбекистон президенти Шавкат Мирзиёев Германияда расмий ташриф билан бўлиб турибди.

Сурат манбаи: https://president.uz