Санъатшунос Тошкентда топилган $1 млнлик хазина ҳақида гапириб берди
Тошкент. 22 январ. ЎзТАГ – Санъатшунос Сергей Заграевский Тошкентда топилган $1 млнлик хазина ҳақида гапириб берди, деб хабар беради Ўзбек телеграф агентлиги (ЎзТАГ).
Россия ОАВ маълумотларига кўра, хазинадаги буюмларнинг кўпи 80 йилдан зиёд вақт олдин йўқолган деб ҳисобланиб, кўп эҳтимоли билан буюк князь Николай Константинович Романовга тегишли бўлган. Экспертнинг фикрига кўра, хазинанинг баҳоси ўта пасайтириб кўрсатилган.
Князнинг онаси Александра Иосифовна ўзининг бир неча бриллиантлари йўқолганини билиб қолган, деб аниқлаштирди С. Заграевский. Кейинроқ улар князнинг топшириғига биноан Романовнинг адъютанти томонидан ломбардга топширилгани маълум бўлди.
“Катта жанжал бўлган, буюк княз сўроқ қилинган”, – деб қўшимча қилди санъатшунос “РЕН ТВ” телеканалига интервьюда.
Мутахассиснинг фикрига кўра, Н. Константинович заргарлик буюмларининг катта коллекциясига эга бўлган, уларнинг баъзилари 2017 йил революциясидан сўнг йўқолиб қолган ёки музейларга тушган.
“Афтидан, революциядан кейин (Тошкент совет ҳукуматига ўтгач) улар яширилган ва кўмиб ташланган”, – деб хулоса қилди у.
Эслатиб ўтамиз, яқинда Ўзбекистон марказидаги 870 йилги бинонинг подвалидан $1 млнлик хазина топилди. Кўп эҳтимоли билан уларнинг баъзилари буюк князь Николай Романовнинг Тошкентдаги саройи коллекциясига тегишли бўлган. Топилган осори атиқалар орасида олтин тангалар, расмлар, иконалар, қимматли металлдан ясалган буюмлар ва бошқалар бор. Топилма давлат муҳофазасига олинди.
Сурат манбаи: https://repost.uz
