“Туронбанк” ўзбек банки хитойнинг Эксимбанки билан $85,8 млнлик келишув имзолади

Тошкент. 18 июн. ЎзТАГ – “Туронбанк” АТБ хитойнинг Эксимбанки билан $85,8 млнлик келишув имзолади, деб хабар беради Ўзбек телеграф агентлиги (ЎзТАГ) ўзбек молия муассасасининг матбуо хизматига таянган ҳолда.

Маблағлар “Ўзбекгидроэнерго” АЖнинг Тошкент вилоятида гидроэлектростанция қуриш ҳамда Тошкент шаҳри, Андижон ва Тошкент вилоятларидаги 4 та гидроэлектростанцияни модернизациялаш бўйича лойиҳаларини молиялаштиришга йўналтирилади. Келишув муддати 20 йил.

Юқорида келтириб ўтилган гидроэлектростанцияларнинг қурилиши ва модернизацияланиши тугалланганидан кейин уларнинг ялпи қуввати 62,1 МВтни, йиллик ўртача электр ишлаб чиқариш миқдори 406,1 млн.кВт.с.ни ташкил этади.

Эслатиб ўтамизки, “Туронбанк” АТБ 19 филиал ва 31 минибанкдан иборат тармоққа эга.

Сурат манбаи: http://athavannews.com/?tag=turkey&&paged=12