UzAuto Motors Ravon автомобилларини Россияга қайтаришни расман эълон қилди

Тошкент. 22 август. ЎзТАГ – "UzAuto Motors МДҲ" компанияси Ravon автомобилларини Россияга қайтаришни расман эълон қилди, дея хабар беради Ўзбек телеграф агентлиги (ЎзТАГ).

"Россияда Ravon автомобилларининг расмий дистрибютори UzAuto Motors МДҲ "компанияси Россияга UzAuto Motors (илгари GM Uzbekistan) томонидан ишлаб чиқарилган автомобилларни қайта етказиб беришни бошлашини маълум қилди", - дейилади компания матбуот хизмати хабарида.

Қайд этилганидек, Россия бозорида учта модел мавжуд: Ravon R4, Ravon R2 ва Ravon Nexia R3.

"Бугунги кунда Ravon мавжуд автомобилларнинг оммавий сегментида етакчи бўлишни мақсад қилган. (...) Ravon R2 моделлари учун нархлар - 646 минг рублдан, Ravon Nexia R3 - 670 минг рублдан, Ravon R4 - 678 минг рублдан баҳоланади", - дейилади хабарда.

Эслатиб ўтамиз, 2018 йилнинг май ойидан бошлаб GM Uzbekistan заводи нарх-наво сиёсатини қайта кўриб чиқиш ҳисобига Россияга Ravon автомобилларини етказиб беришни тўхтатди, бу эса утилизация йиғиш ставкаларининг ошиши, шунингдек, янги моделларни ишга тушириш учун корхонанинг ишлаб чиқариш қувватларини кенг кўламли модернизация қилиш билан боғлиқ бўлган.

Сурат манбаи: news.myseldon.com