Ўзбекистон ва Туркманистон президентлари савдо соҳасида иккитомонлама савдони муҳокама қилдилар

Тошкент. 16 октябр. ЎзТАГ – Ўзбекистон президенти Шавкат Мирзиёев ва Туркманистон президенти Гурбангули Бердимуҳамедовлар телефон орқали савдо соҳасида иккитомонлама савдо истиқболларини муҳокама қилдилар, деб хабар беради Ўзбек телеграф агентлиги (ЎзТАГ).

“Савдо, ишлаб чиқариш кооперацияси, энергетика, самарали транспорт коммуникацияларини ривожлантириш ва бошқа соҳаларда ўзаро ҳамкорлик истиқболлари муҳокама қилинди”, - дейилади Ўзбекистон президенти матбуот хизматининг хабарида.

Мунтазамлик касб этган олий даражадаги мулоқот ва учрашувлар қардош халқларимизнинг кўп асрлик дўстлигини, ўзаро ҳурмат, қўллаб-қувватлаш ва манфаатларни ҳисобга олиш тамойиллари асосида мамлакатларимиз ўртасидаги яхши қўшничилик ва стратегик шериклик муносабатларини мустаҳкамлашга, икки томонлама фойдали ҳамкорликни кенгайтиришга хизмат қилаётгани қайд этилди.

Ш. Мирзиёев Туркманистон президентини оммавий ахборот воситаларини ривожлантиришга қўшган салмоқли ҳиссаси учун Осиё-Тинч океани телерадиоэшиттирувчилар уюшмаси мукофоти соҳиби бўлгани билан табриклади.

Жорий йил август ойида Авазада (Туркманистон) Г. Бердимуҳамедов раислигида муваффақиятли ўтказилган Халқаро Оролни қутқариш жамғармаси саммитининг самарали натижалари юқори баҳоланди. Экология масалалари, жумладан, Орол ҳалокати оқибатларини бартараф этиш Марказий Осиёнинг барқарор тараққиёти учун ниҳоятда муҳим аҳамиятга эга экани қайд этилди.

Туркманистон президенти Ш. Мирзиёевга самимий табрик учун миннатдорлик билдириб, икки томонлама муносабатлар изчил мустаҳкамланиб бораётганини алоҳида таъкидлади.

Бундан ташқари, ҳудудлараро алоқалар ва маданий-гуманитар алмашувларни кенгайтириш муҳимлиги қайд этилди. Хусусан, 2018 йил 14 октябр куни Термиз шаҳрида Туркманистон ижодий жамоалари иштирокида концерт муваффақиятли ўтгани таъкидланди.

Шунингдек, минтақавий ва халқаро аҳамиятга молик долзарб масалалар юзасидан фикр алмашилди.

“Мулоқот сўнгида давлат раҳбарлари қардош мамлакатларимиз ўртасидаги яхши қўшничилик, стратегик шериклик ва амалий ҳамкорлик муносабатларини янада ривожлантириш ва мустаҳкамлашга интилишлари қатъий эканини яна бир бор тасдиқладилар”, - деб хулоса қилинади хабарга.

Сурат манбаи: http://www.press-service.uz