“Ўзбекистон ҳаво йўллари” Тошкентдан Нью-Йоркка биринчи қўнишсиз парвозни амалга оширди
Тошкент. 28 июл. ЎзТАГ – Куни-кеча, 27 июлда “Ўзбекистон ҳаво йўллари” Миллий авиакомпанияси Тошкентдан Нью-Йоркка биринчи қўнишсиз парвозни амалга оширди.
Авиаташувчи матбуот хизматининг хабарига кўра, парвоз Boeing 787 Dreamliner самолётида амалга оширилган.
Авиакомпания Тошкентдан Нью-Йоркка 243 йўловчини етказди. Парвоз 11 соат 48 дақиқа давом этди.
Компания маълумотларига кўра, Тошкентдан Нью-Йоркка қўнишсиз парвозлар пайшанба кунлари, ортга қараб эса жума кунлари амалга оширилади.