Самарқанд вилоятида қандай қурилиш ишлари амалга оширилиши режалаштирилмоқда
Тошкент. 20 май. ЎзТАГ – Ўзбекистон Адлия вазирлиги матбуот хизмати Самарқанд вилоятида қандай қурилиш ишлари амалга оширилишини маълум қилди, дея хабар беради Ўзбек телеграф агентлиги (ЎзТАГ).
"Самарқанд вилоятида амалга оширилаётган қурилиш-бунёдкорлик ишлари тўғрисида ҳукуматнинг бир неча қарорлари қабул қилинди (2019 йил 17 майдаги 412, 413, 415-сон). Шундай қилиб, Каттақўрғон туманида цемент ишлаб чиқариш бўйича жами 340 миллион долларлик инвестиция лойиҳаси амалга оширилади. Лойиҳанинг амалга оширилиши натижасида 600 янги иш ўрни яратилади", - дейилади хабарда.
Қайд этилганидек, мазкур лойиҳани амалга ошириш доирасида «Hengyuan cement» қўшма корхонаси 2021 йил 1 январга қадар ер қаъри участкасидан фойдали қазилмалар конларининг ҳар бир “тижоратбоп топилма бонуси” кашфиёти учун тўланадиган корхоналар даромад солиғи, мол-мулк солиғи, ер солиғини тўлашдан озод этилади.
"Шунингдек, 2021йил 1 июлгача илоятда Булунғур сув омбори қурилади. Унда лойиҳанинг асосий техник-иқтисодий кўрсаткичлари тасдиқланди. Лойиҳанинг умумий миқдори 46 миллион доллардан ортиқ бўлиб, сув омборини ишга тушириш натижасида 51 янги иш жойи яратилади", - дея таъкидланади хабарда.
Бундан ташқари, 2019-2020 йилларда қуриладиган, таъмирланадиган, қайта таъмирланадиган автомобил йўллари, туннел ва кўприкларнинг жойлари аниқланди. Умумий узунлиги 103 км бўлган автомобил йўлларини қуриш ва таъмирлаш учун, шунингдек, туннел ва кўприкларни қайта ишга тушириш учун 2,7 трлн сўмдан зиёд маблағ сарфланди.
Сурат манбаи: lscompany.spb.ru
