Ўзбекистон экспортга 9 минг тоннадан зиёд гилос етказиб берди

Тошкент. 28 май. ЎзТАГ – 28 апрелдан буён Ўзбекистон экспортга 9 минг тоннадан зиёд $40 млнлик гилос етказиб берди, деб хабар беради Ўзбек телеграф агентлиги (ЎзТАГ).

“Ўзбекозиқовқатхолдинг” ХК хабар беришларича, 2017 йилнинг муқобил даврида экспорт 3,1 минг тоннани ($9,4 млнлик) ташкил қилган эди. Гилос экспорти тонна ҳисобида 3 баробарга ва АҚШ долларида 4 баробардан зиёдга ошган. Мавсум эса давом этмоқда.

Таъкидланишича, бугунги кунда ўзбек гилосининг энг кўп миқдори янги бозорларга - Бирлашган Араб Амирликлари, Кореяга, шунингдек, Қозоғистон, Қирғизистон, Россия ва бошқа мамлакатлардаги анъанавий бозорларигача етказилмоқда. Шунингдек, Хитой бозорига 6 минг тоннадан ортиқ гилос етказиб бериш кутилмоқда.

Бундан ташқари, кўкпиёз ишлаб чиқарувчиларнинг ишлари ҳам қайд этиб ўтилган. Ўз навбатида, харид нархининг ўртача қиймати 590 сўм бўлган ҳолда килограмига 200 сўмгача камайтирилиши ҳам катта ҳосил олиб келди. Холдингнинг “Ўзагроэкспорт” шўъба корхонаси фермер хўжаликларидан бир килограмига 1 минг 200 сўмдан муносиб нархга сотиб олиб, уни UZagro бренди остида экспорт қилмоқда.

$1=7997,95 сўм

Сурат манбаи: http://stroysad.com/chereshnya-eto-vyigodno/