Ўзбекистонда ДХШ лойиҳаларида хусусий ҳамкорлик ҳуқуқларининг кафолат механизмлари пухта ўйлаб чиқилди
Тошкент. 13 май. ЎзТАГ – Ўзбекистонда давлат-хусусий шериклик (ДХШ) лойиҳаларида хусусий ҳамкорлик ҳуқуқларининг кафолат механизмарии пухта ўйлаб чиқилди, дея хабар беради Ўзбек телеграф агентлиги (ЎзТАГ).
"Агар Ўзбекистон Республикасининг кейинги қонун ҳужжатлари давлат-хусусий шериклик объектига инвестиция киритиш шартларини ёмонлаштирса, давлат-хусусий шериклик тўғрисидаги битим тузилган санадан эътиборан ўн йил мобайнида хусусий шерикка нисбатан битимни тузиш санасида амалда бўлган қонун ҳужжатлари қўлланилади”,.дейилади Ўзбекистон президенти томонидан имзоланган "Давлат-хусусий шериклик тўғрисида"ги қонуннинг 34-моддасида.
Бундан ташқари, хусусий шерик Ўзбекистон Республикаси янги қонун ҳужжатларининг давлат-хусусий шериклик объектига инвестиция киритиш шартларини яхшилайдиган қоидаларини ўз хоҳишига кўра қўллаш ҳуқуқига эгадир.
Сурат манбаи: http://ombudsman.uz
