Ўзбекистонда ИПВга қарши эмлаш бошланди

Тошкент. 22 октябрь. ЎзТАГ – Ўзбекистонда инсон папиллома вируси (ИПВ)га қарши эмлаш бошланди, дея хабар беради Ўзбек телеграф агентлиги (ЎзТАГ).

Соғлиқни сақлаш вазирлигининг маълумотларига кўра, 21 октябрь куни Тошкентда инсон папиллома вирусига қарши эмлаш бошланишига бағишланган матбуот анжумани бўлиб ўтди.

Қайд этилганидек, Ўзбекистонда бачадон бўйни саратони кўкрак бези саратонидан кейин барча ёшдаги аёллар орасида иккинчи энг кенг тарқалган саратон тури ва кўкрак бези саратонидан кейин туғиш ёшидаги аёллар ўлимининг иккинчи сабаби ҳисобланади. Жаҳон соғлиқни сақлаш ташкилоти (ЖССТ) маълумотларига кўра, ҳар йили Ўзбекистонда 1660 нафар аёл бачадон бўйни саратони билан касалланади.

"Ўсмир қизларни режалаштирилган эмлаш келажакда ҳар йили касалликнинг 1,1 мингтасининг ва бачадон бўйни саратони ҳақида 600 ўлим ҳолатининг олдини олиш имконини беради (...) Қизлар давлат ҳисобидан эмланади", – дейилади хабарда.

Эслатиб ўтамиз, Ўзбекистонда миллий эмлаш тақвимига 13 та юқумли касалликка қарши ўн турдаги эмлашлар киритилган.

 

Сурат манбаи: 0472.ua