123

Ўзбекистонда туғилганлик ҳақидаги гувоҳномани олиш тартиби соддалаштирилди

Дата: 17:31, 07-11-2019.

Тошкент. 7 ноябрь. ЎзТАГ – Ўзбекистонда туғилганлик ҳақидаги гувоҳномани олиш тартиби соддалаштирилди, дея хабар беради Ўзбек телеграф агентлиги (ЎзТАГ).

Адлия вазирлигида фуқаролик ҳолати далолатномаларини ёзиш органларида иш юритиш тартиби тўғрисидаги Йўриқномага ўзгартиш ва қўшимчалар киритиш тўғрисидаги буйруқ давлат рўйхатидан ўтказилди (рўйхат 2547-3-сонли, 06.11.2019 й.).

"Йўриқномага киритилган ўзгартишларга мувофиқ, энди туғилишни рўйхатга олиш муддати ўтган тақдирда, 16 ёшгача бўлган боланинг туғилганлик ҳақидаги гувоҳномасини олиш учун ариза боланинг ота-онаси томонида; ота-оналар ўртасида қонуний никоҳ мавжуд бўлган тақдирда, улардан бири; ишончнома асосида бошқа манфаатдор шахс; ота-онанинг ўрнини босувчи шахс ёки васийлик ва ҳомийлик органларининг мансабдор шахслари бериши мумкин", - дейилади Адлия вазирлиги матбуот хизмати хабарида.

Қайд этилганидек, илгари бундай аризани фақат боланинг ота-онаси бериши мумкин эди.

Бундан ташқари, энди ҳужжат ёзувларига ўзгартиришлар, тузатишлар ва қўшимчалар ишончнома ва консул ёки нотариус томонидан тасдиқланган ариза асосида амалга оширилиши мумкин. Илгари ишончнома асосида акт ёзувларга ўзгартириш киритиш мумкин эмас эди.

Сурат манбаи: ysia.ru

Янгилик билан ўртоқлашиш: