“Қизилқумцемент” $39,6 млнга модернизация қилинади
Дата: 11:58, 05-12-2014.
Тошкент. 5 декабр. ЎзТАГ – Ўзбекистоннинг Навоий вилоятида жойлашган “Қизилқумцемент” ОАЖ 2014-2016 йилларда қиймати $39,6 млнлик модернизация дастурини амалга оширади, дея хабар беради Ўзбек телеграф агентлиги (ЎзТАГ).
Модернизация дастури бўйича 3 йил давомида қуввати 500 минг тонналик янги цемент тегирмони ва 220/10 кВлик пасайтирувчи бош подстанция қурилади ҳамда клинкернинг техник линиялари модернизация қилинади.
Яқинда корхона еттинчи тегирмонни эксплуатацияга туширди. Бу ерда клинкер майдаланади ва минерал қўшимчалар билан бойитилади. Янги тегирмоннинг ишга туширилиши билан йиллик цемент ишлаб чиқариш ҳажми 350 минг тоннага кўпаяди.
