Қўқонда таъмагир адвокат хибсга олинди

Тошкент. 3 феврал. ЎзТАГ – Қўқонда таъмагир адвокат хибсга олинди, деб хабар беради Ўзбек телеграф агентлиги (ЎзТАГ).

Ўзбекистон куч тизимлари тезкор ходимлари бошқа ҳуқуқни муҳофаза қилиш органлари ходимлари билан биргаликда таъмагирлик билан шуғулланган адвокатлик бюроси раҳбарини ашёвий далиллар билан бирга қўлга олдилар”, - дейилади суд инстанцияси хужжатларида.

Маълум бўлишича, қўқонлик Defence Power адвокатлик бюроси директори 46 ёшли Бахтиёр Раҳимов жиноятда гумон қилинаётган шахснинг қариндошларидан жазони енгиллаштириш эвазига пул ундираётган бўлган.

“Бахтиёр Раҳимов Фарғона вилояти Қўштепа тумани жиноят ишлари бўйича туман суди томонидан жинсий зўрлашга доир ишда мижозининг акасидан $3,5 минг олаётган пайтида ушланди”, - дейилади суд хужжатларида.

Бунинг эвазига адвокат судланаётган шахснинг қариндошларига хибсда тутиш жазосини ҳеч қаерга кетмаслик ҳақида тилхатга ўзгартириш ва хибс муддатини камайтиришни ваъда қилган.

Олинган пул далил сифатида олиб қўйилди, жараён техника ёрдамида қайд этилди.

Ушбу факт юзасидан Б.Раҳимовга нисбатан Ўзбекистон Республикаси Жиноят кодексининг 168 моддаси 1-қисми бўйича жиноят иши очилди.