“Ўзқишлоқхўжаликлизинг” лизинг компанияси низом жамғармасини деярли 4 мартага оширди

Тошкент. 11 июл. ЎзТАГ – “Ўзқишлоқхўжаликлизинг” акционерлик лизинг компаниясининг капитализацияси 10,9 млрд сўмдан 50 млрд сўмга ($21,55 млн) қадар оширилди, дея хабар беради Ўзбек телеграф агентлиги (ЎзТАГ).
Тошкентда ўтган матбуот анжуманида компания вакилларининг берган маълумотларига кўра, компания ўз фаолиятини бошлаганидан бери ўтган вақт давомида 37 мингдан зиёд қишлоқ хўжалик корхоналарига 49,66 минг дона қишлоқ хўжалик техникасини лизингга берган. Лизингга берилган техникаларнинг ялпи қиймати 1,108 трлн сўмга ($477,55 млн) тенг.
Жорий йилнинг январ-июн ойларида қиймати 100,5 млрд сўмлик 1,85 минг дона техника лизингга берилган.
2014 йилда компания 40 хилдаги 4,5 миндан ошиқ қишлоқ хўжалик техникасини лизинг асосида етказиб беришни режалаштирмоқда.