“Ўзқишоқмашлизинг” компанияси халқаро стандарти талабларига мувофиқликка аудитдан ўтди

Тошкент. 29 декабр. ЎзТАГ – “Ўзқишоқмашлизинг” йирик лизинг компанияси ISO 9001 халқаро стандарти талабларига мувофиқликка аудитдан ўтди, деб хабар беради Ўзбек телеграф агентлиги (ЎзТАГ).

Сертификатларни тантанали топшриш маросими Словакиянинг “Cert International” сертификация органи вакиллари иштирокида бўлиб ўтди.

Компаниядан маълум қилишларича, сертификатлар лизинг компанияси Бошқаруви раиси Нодир Отажонов ва ISO 9001 бўйича аудитдан ўтган ҳудудий бўлинмалар бошлиқларига топширилган.

Эслатиб ўтамизки, “Ўзқишоқмашлизинг” акционерлик лизинг компанияси 1999 йил 30 октябрда Вазирлар Маҳкамасининг қарори билан ташкил этилган. Компаниянинг асосий вазифаси қишлоқ хўжалик ишлаб чиқарувчиларига қишлоқ хўжалик техникаси лизингга беришдан иборат.

Компания 15 йилдан бери Ўзбекистон бозорида лизинг хизматлари бўйича етакчи ўринда. У 40 турдаги қишлоқ хўжалик техникаларини лизингга беради.