“Ўзқурилишматериаллари” Ўзбекистондан Беларусга маҳсулот етказиб беришни бошлайди

Тошкент. 29 декабр. ЎзТАГ – “Ўзқурилишматериаллари” АЖ Ўзбекистондан Беларусга табиий тошлар ва бошқа қурилиш материалларини етказиб беришни бошлайди, деб хабар беради Ўзбек телеграф агентлиги (ЎзТАГ) компания матбуот хизматига асосланган ҳолда.

 Хабарда айтилишича, савдо иқтисодий келишув тузиш масаласи иккитомонлама ҳамкорлик бўйича Ўзбекистон-Белоруссия Ҳукуматлараро комиссиясининг қўшма бешинчи йиғилишида кўриб чиқилди.

 Эслатиб ўтамизки, 19-21 декабр кунлари ўзбек делегацияси Беларусда ишчи сафарида бўлди. Унинг доирасида иккитомонлама ҳамкорлик бўйича Ўзбекистон-Белоруссия Ҳукуматлараро комиссиясининг қўшма бешинчи йиғилиши бўлиб ўтди. Ишчи гуруҳига компания Бошқаруви раиси ўринбосари Т.Р. Муҳамеджанов бошчилик қилди.

 “Тадбир доирасида савдо-иқтисодий ва инвестиция соҳасидаги узоқ муддатли икки томонлама ҳамкорликни йўлга қўйиш мақсадида истиқболли Белоруссия корхоналари билан музокаралар ўтказилди”, - дейилади хабарда.

Сурат манбаи: http://stroyka.uz/publish/doc/text133603_v_ao_uzstroymaterialy_naznachen_zamestitel_predsedatelya_pravleniya_po_proizvodstvu_i_vnedreniyu_sovremennyh_tehnologiy