“Ўзавтосаноат” беш халқаро кўргазмада қатнашади

Тошкент. 19 апрель. ЎзТАГ – 2014 йилда “Ўзавтосаноат” акционерлик компанияси беш халқаро кўргазмада қатнашишни режалаштирмоқда. Булар “17-Россия автомобиль форуми”, “Халқаро Москва автомобиль салони”, “Автомеханика MIMS”(Москва ш.), “Автосаноат. Автокомпонентлар” (Тольятти ш.), “Автомобиль олами – Астана” (Астана ш.) кўргазмаларидир, дея хабар беради Ўзбек телеграф агентлиги (ЎзТАГ).
Ўтган йили корхона “16-Автомобиль форуми” ва “Автомеханика MIMS” (Москва ш.), “Автомобиль олами” (Санкт-Петербург ш.), “Автосаноат. Автокомпонентлар” (Тольятти ш.) каби россия кўргазмаларида иштирок этди.
“Ўзавтосаноат”дан хабар беришларича, кўргазмаларда қатнашиш маҳаллий автомобиль қисмлари ишлаб чиқарувчиларининг экспорт имкониятларини оширишга хизмат қилади.
Хусусан, юқоридаги кўргазмаларда қатнашиш натижасида “Уз-Кодж” ҚК, “УзИраеКэйбл” ҚК ОАЖ, ”Уз-Донг Вон Ко.” ҚК ва “Уз-Часис” ҚК россиялик ва украиналик автомобиль ишлаб чиқарувчилар билан маҳсулотлар етказиб бериш бўйича музокаралар ўтказдилар.