“Ўзавтосаноат” двигателлар учун бутловчи қисмлар ишлаб чиқариш бўйича янги завод қувватларини маълум қилди

Тошкент. 18 август. ЎзТАГ – “Ўзавтосаноат” акционерлик компанияси GM Powertrain Uzbekistanнинг автомобил двигателлари учун алюминий деталлар ишлаб чиқарувчи янги заводнинг лойиҳа қувватларини эълон қилди, деб хабар беради Ўзбек телеграф агентлиги (ЎзТАГ).

“Ташкил этиладиган ишлаб чиқаришда автомобиллар, двигателллар ва генераторлар учун жами 43 турдаги бутловчи қисмлар ишлаб чиқарилиши режалаштирилмоқда. Корхонанинг йиллик ишлаб чиқариш қуввати 2,4 тонна алюминий қуймасини қайта ишлашга тенг. Ишлаб чиқаришнинг бошланиши 2017 йилнинг 1 январига мўлжалланган”, – деб таъкидлашди “Ўзавтосаноат” АК матбуот хизматида.

Эслатиб ўтамизки, бундан олдинроқ “Ўзавтосаноат” АК ва INZI AMT Co., Ltd. (Корея Республикаси) компаниялари ўртасида лойиҳани амалга ошириш учун низом жамғармаси $10 млн бўлган UZAUTO-INZI қўшма корхонасини тенг улушларда ташкил этилган эди.

Қўшма корхонасига ишлаб чиқариш майдони учун 6,9 гектардан иборат ер майдони тақдим этилди. Шу жумладан, ернинг 5,3 гектари GM Powertrain Uzbekistan АЖнинг қурилишдан ҳоли ҳудудига тўғри келади.