“Ўзавтсаноат” янги модел ишлаб чиқаришни йўлга қўяди

Тошкент. 15 сентябр. ЎзТАГ – “Ўзавтосаноат” Акционерлик компанияси “Женерал Моторс Ўзбекистон” заводи базасида янги “Т250” (Chevrolet Aveo) моделини ишлаб чиқаришни йўлга қўйиш бўйича лойиҳани тайёрлаш ишларини бошлади, дея хабар беради Ўзбек телеграф агентлиги (ЎзТАГ) ҳукумат қарорига асосланган ҳолда.

“Бугунда “Т250” моделининг технологиялари ва “ноу-хау”лари эгаси бўлган “Женерал Моторс” компанияси билан ҳамкорликда ишлаб чиқариш технологик ускуналари таркиби аниқланди”, - дейилади хужжатда.

Ҳукумат компанияга лойиҳани бошланғич техник-иқтисодий асосномасиз амалга оширишга рухсат берди. Айни пайтда “Ўзавтосаноат” АК 2014 йил ноябр охирига қадар ҳукуматга лойиҳанинг техник-иқтисодий асосномасини тасдиқлаш учун киритиши лозим.

Технологик ускуналар ва жиҳозлаш қурилмаларини олиш ишлари ҳам тендер ўтказилмасдан “Женерал Моторс” компаниясининг глобал харидлар тизими орқали тўғридан-тўғри шартномалар имзолаш йўли билан амалга оширилади.