“Ўзбек Лизинг Интернешнл А.О.” таъсисчилари $10 млнлик молиялашни тасдиқлади

Тошкент. 14 март. ЎзТАГ – “Ўзбек Лизинг Интернешнл А.О.” компанияси таъсисчиларининг навбатдан ташқари йиғилишида $5 млнлик молиялаш линияси ва яна шу миқдордаги кредит келишуви имзоланди, дея хабар беради Ўзбек телеграф агентлиги (ЎзТАГ).
Компания таъсисчилари “Ўзбек Лизинг Интернешнл А.О.” фойдасига Хусусий тармоқни ривожлантириш бўйича ислом корпорациясининг $5 млнлик молия линиясини тасдиқладилар. Шунингдек, “Ўзбек-Уммон инвестиция компанияси” томонидан берилаётган $5 млнлик кредит маблағини жалб этиш режаси ҳам тасдиқланди. Айни пайтда таъсисчилар Халқаро молия корпорациясидан маблағ жалб этиш ҳақидаги келишувини тасдиқлаш раъд этдилар.
2014 йил боши ҳолатига келиб “Ўзбек Лизинг Интернешнл А.О.” ҚК ЁАЖ Ўзбекистон лизинг бозоридаги етакчи беш компаниялардан бири бўлди. Ушбу компания томонидан лизингга берилган ускуналарнинг умумий қиймати 2013 йил якунлари бўйича 36,2 млрд сўмни ($16,13 млн) ташкил қилади.