“Ўзбек-Турк банки”нинг рейтинги тасдиқланди

Тошкент. 3 октябр. ЎзТАГ – “Ahbor-Reyting” рейтинг агентлиги “Ўзбек-Турк банки”нинг 2014 йил иккинчи чораги якунлари бўйича кредит рейтингини миллий шкала бўйича “uzA” даражасида “барқарор” кўрсаткичи билан тасдиқлади, дея хабар беради Ўзбек телеграф агентлиги (ЎзТАГ).

“Ahbor-Reyting”дан хабар қилишларича, банк активлар 137 млрд сўмни ташкил қилиб, ўтган йилнинг муқобил даврига солиштирганда 4,11% кўпдир. Банкнинг кредит портфели 19,7 млрд сўмга етди (2,5 бараварга ўсиш).

Банкнинг ликвид активлари 55,5 млрд сўмни ташкил қилди (+1,43%) ва банк ялпи активларининг 40,5% эгаллади. Айни пайтда жорий ликвидлик коэффициенти 95,26% қадар кўпайди (2013 йилнинг мубқобил даврида - 73,75%).

Банкнинг ўз капитали 61,7 млрд сўмга етди (+15,5%). Умумий капитал ва биринчи даражадаги капиталнинг етарлилик коэффициентлари навбати билан 59,80% ва 58,10% етди (2013 йилнинг шу даврида - 58,30% ва 55,70%). Айни пайтда капитал базаси билан таъминланганлик даражаси 45,01% тенг.

“Ўзбек-Турк банки” ЁАЖ Ўзбекистондаги хориж капитали иштирокидаги илк банк бўлиб, Марказий банк томонидан 1993 йил 13 майда рўйхатга олинган. Банк универсал тижорат банки бўлиб, ёпиқ акционерлик шаклида ташкил этилган. Унинг таъсисчилари “Агробанк” (Ўзбекистон), “Ziraat Bankasi” A.Ş. (Туркия) ва “Ziraat Bank International” A.G. (Германия) ҳисобланади.