“Ўзбек йўлбарслари” Бутунжаҳон бокс серияси мавсумининг яримфиналига чиқди

Тошкент. 25 апрел. ЎзТАГ – “Ўзбек йўлбарслари” жамоаси боксчилари The World Series Boxing (WSB) Бутунжаҳон бокс серияси VI мавсумининг чоракфинал жанглари доирасида “Russian Boxing Team” жамоаси билан учрашувлар ўтказдилар, деб хабар беради Ўзбек телеграф агентлиги (ЎзТАГ).

Ўзбекистон Бокс федерациясидан хабар беришларича, учрашувлар 23 апрелда россиянинг Ульяновск шаҳрида бўлиб ўтди.

“С2” гуруҳига мансуб бўлган боксчилар иштирокида беш жанг бўлиб ўтди. Натижада “Uzbek Tigers” яримфиналга йўл олди. Босқичда жамоа Кубанинг “Cuba Domadores” жамоаси билан беллашади. Ушбу жамоа чоракфиналда Мексикани 10:0 йирик ҳисобида енгган”, - деб таъкидлашди федерацияда.

Шунингдек, жамоавий чемпионат яримфиналига Қозоғистон ва Буюк Британия вакиллари ҳам чиқдилар.