“Ўзбекэнерго” электроэнергия ишлаб чиқаришни 4,2% кўпайтирди

Тошкент. 21 январ. ЎзТАГ - 2015 йил якунлари бўйича “Ўзбекэнерго” АЖ электроэнергия ишлаб чиқаришни 2014 йилга нисбатан 4,2% кўпайтириб, 55,5 млрд. кВт/соатга етказди, деб хабар беради Ўзбек телеграф агентлиги (ЎзТАГ).

Компания матбуот хизматидан таъкидлашларича, истеъмолчиларга 8,2 млн. Гкал иссиқлик энергияси етказиб берилган, маҳсулот ва хизматлар экспорти бўйича прогноз кўрсаткичлар 0,1% ташкил қилди.

Ишлаб чиқариш харажатларини қисқартириш бўйича кўрилаётган чоралар маҳсулот қийматини 14% туширишни таъминлади.

Маълумот ўрнида бугунда Ўзбекистон энерготизимида ялпи қуввати 12,4 минг МВтдан ошиқ бўлган 45 электростанция ишлаб турибди. Шу жумладан, “Ўзбекэнерго” ДАКнинг 16 электростанциялари қуввати 12,04 минг МВтга тенг. Электроэнергиянинг қолган қисми Қишлоқ ва сув хўжалиги вазирлигига қарашли саноат корхоналарининг автоном иссиқлик электростанциялари ва кичик ГЭСлар томонидан ишлаб чиқарилади. Мамлакатда 56-57 млрд кВт соат электроэнергия ишлаб чиқариш имконияти мавжуд.