“Ўзбекэнерго”нинг Тошкентдаги биноси ўрнида замонавий меҳмонхона қурилади

Тошкент. 5 феврал. ЎзТАГ – “Ўзбекэнерго”нинг Тошкентдаги биноси ўрнида замонавий меҳмонхона қурилади, деб хабар беради Ўзбек телеграф агентлиги (ЎзТАГ).

“Ўзбекистон Республикаси Вазирлар Маҳкамаси, “Ўзбекнефтгаз” АЖ ва “Ўзбекэнерго” АЖнинг “Ўзбекэнерго” АЖ маъмурий биноси жойлашган ҳудудда замонавий меҳмонхона комплексини қуриш бўйича таклифи маъқуллансин”, - дейилади президентнинг “Ўзбекистон Республикаси Энергетика вазирлиги фаолиятини ташкил этиш чора-тадбирлари тўғрисида”ги қарори матнида.

“Ўзбекэнерго”нинг маъмурий биноси Истиқлол кўчаси, 6 уйда, Тошкент давлат юридик институти тўғрисида жойлашган.

Ҳужжатга мувофиқ, Ўзбекистон Республикаси Бош вазирининг ўринбосарлари Э.Ғаниев ва А.Абдуҳакимов бир ой муддатда “Ўзбекэнерго” АЖ маъмурий биноси жойлашган ҳудудда замонавий меҳмонхона комплексини қуриш бўйича ҳукумат қарори лойиҳасини Ўзбекистон Республикаси Вазирлар Маҳкамасига киритиш топширилган.

Эслатиб ўтамиз, 2020 йил охирига қадар ушбу жой яқинида Taskent Merkez Park Gayrimenkul Yatirim Anonim Sirketi турк компанияси ва UzTur Investment and Development ўзбек ширкати Tashkent Central Park кўпфункцияли комплекс қурадилар.

Сурат манбаи: http://www.fergana.agency