“Ўзбекинвест”нинг суғурта мажбуриятлари 48,1 трлн сўмга етди

Тошкент. 1 март. ЎзТАГ – 2015 йилда Ўзбекистондаги энг йирик суғурта компанияси бўлган “Ўзбекинвест” 79,8 млрд сўмсуғурта мукофотлари йиғди ва жами қабул қилинган мажбуриятлари ҳажмини 48,1 трлн сўмга етказди, деб хабар беради Ўзбек телеграф агентлиги (ЎзТАГ).

“2015 йилда компания томонидан 5744 та суғурта даъволари кўриб чиқилган бўлиб, улар асосида суғурталанувчиларга 12 млрд сўм миқдорида суғурта қопламалари тўлаб берилган. Суғурта тўловларининг 66% мажбурий суғурта турларига, 34% –кўнгиллиларига тўғри келди. Жумладан, ўтган йилда Инвестиция дастурига киритилган 85 лойиҳа ҳам 16,2 трлн сўмлик, кичик бизнес соҳасидаги экспортерчи корхоналар эса 219,9 млрд сўмлик суғурта ҳимояси олди”, - деб таъкидлашди компанияда.

Эслатиб ўтамизки, “Ўзбекинвест” компанияси 1994 йилда ташкил этилган бўлиб, Ўзбекистон суғурта бозорида энг катта - $60 млнлик низом капиталига эга. Унинг ҳудудий тармоғи 14 ҳудудий филиаллар, 137 ортиқ суғурта бўлинмалари ва 800 суғурта агентларини ўз ичига олади.

$1 = 2851,65 сўм