“Ўзбекинвест”нинг суғурта мукофотлари деярли 80 млрд сўмни ташкил қилди

Тошкент. 15 апрел. ЎзТАГ – 2015 йил якунлари бўйича “Ўзбекинвест” экспорт-импорт миллий суғурта компаниясининг суғурта мукофотлари 79,8 млрд сўмни, олинган мажбуриятлари  48,1 трлн сўмни ташкил қилди, деб хабар беради Ўзбек телеграф агентлиги (ЎзТАГ).

Компаниядан хабар беришларича, ўтган йилда 5744 суғурта даъволари олиниб, улар бўйича қиймати 12 млрд сўмлик суғурта қопламалари тўлаб берилди.

Эслатиб ўтамизки, “Ўзбекинвест”суғурта компанияси 1994 йил 13 апрелда ташкил қилинган бўлиб, ўзининг 22 йиллигини нишонлади.

Бугунги кунда “Ўзбекинвест” “Moody’s InvestorsServicesLtd. ” (Буюк Британия) рейтинг агентлигининг “Bа3” даражасидаги “Барқарор” прогнозли халқаро рейтинги ва Ўзбекистон суғурта компаниялари орасида “Мукаммал молия ишончлилиги” (uzA++) рейтингига эга бўлган мамлакатдаги ягона суғурта компаниясидир.

Компаниянинг вилоятлардаги суғурта тармоғи Тошкент, Қорақалпоғистон Республикаси ва вилоятлардаги 14 ҳудудий филиал, 155 суғурта бўлимлари ва 800 суғурта агентларини ўз ичига олади.