“Ўзбекистон ҳаво йўллари” авиакомпанияси биринчи Airbus A320neo самолётини сотиб олди

Тошкент. 12 март. ЎзТАГ – 11 март арафасида “Ўзбекистон ҳаво йўллари” миллий авиакомпанияси биринчи Airbus A320neo ни сотиб олди, дея хабар беради Ўзбек телеграф агентлиги (ЎзТАГ).

“Янги самолёт икки классли компоновкага эга ва 150 нафар йўловчи (бизнес-класс - 12, эконом-класс - 138) учун мўлжалланган. CFM International компанияси томонидан ишлаб чиқарилган LEAP-1A моторлар шарофати билан олдинги моделларига қараганда 20% кўпроқ тежамлидир”, - дейилади компания матбуот хизмати хабарида.

Таъкидланганидек, самолёт парвозларининг масофаси 4,5 мингдан 5 минг километргача ошди, бу бутун Марказий Европа ҳудудини парвозлар билан қоплаш имкониятини беради.

Самолётда ўйин-кулги учун индивидуал экранли кресло, алоқа тизимлари ва Wi-Fi, кондиционер тизими мавжуд.

Эслатиб ўтамиз, иккита Airbus A320neo самолётини етказиб бериш бўйича шартнома 2017 йилда ривожланиш стратегияси ва модернизациялаш дастури ва МАК самолётларининг парвозларини унификациялаш доирасида тузилган. Иккинчи самолётни етказиб бериш март ойи охирида амалга оширилади.

Бугунги кунда “Ўзбекистон ҳаво йўллари” миллий авиакомпанияси Airbus ва Boeing: Boeing 757/767, Boeing 787-8 Dreamliner, Airbus А320, шунингдек, Boeing 767-300BCF юк самолётларига эга.

Сурат манбаи: m.uzairways.com