“Ўзбекистон ҳаво йўллари” “орзу самолёти”ни эксплуатация қилишга тайёргарлик кўрмоқда

Тошкент. 28 апрел. ЎзТАГ – “Ўзбекистон ҳаво йўллари” миллий авиакомпанииясининг Учиш комплексида Boeing-787нинг янги учиш отряди шакллантирилмоқда. Маълумки, ушбу янги авлод Dreamlinerи 2016 йил августда Тошкентга етиб келади, деб хабар беради Ўзбек телеграф агентлиги (ЎзТАГ).

МАК хабар беришларича, замонавий Boeing-787 Dreamliner авиалайнерларини харид қилиш билан авиакомпания ривожида янги босқич бошланади.

Бунинг учун зарур ер инфраструктураси, инженер-техник ва учиш таркиби ҳамда зарур хужжатларни тайёрлаш ишлари ўтказилмоқда.

 Эслатиб ўтамизки, Boeing-787 Dreamliner – техник ва технологик жиҳатдан бутунлай янги авиалайнер бўлиб, бугунда МАК авиапаркидаги самолётлардан тубдан фарқланади.

Boeing-787нинг янги учиш отряди Boeing ва А320нинг юқори малакали учувчиларидан шакллантирилмоқда. 18 учувчи (9 экипаж) Dreamlinerни бошқариш учун Гатвик шаҳрида (Буюк Британия) бўладиган ўқиш учун танлаб олинган. Учувчиларни танлаб олишда уларнинг учиш техникаси, назарий билимлари, инглиз тилини билиши ва тажрибасига алоҳида эътибор берилди.

Қайд этиш зарурки, МАК янги лайнерларни эксплуатация қилиш учун таъмир базасини ҳам яратди: январда Boeing-787 Dreamliner ясалган композицион материалларни таъмирлаш ва уларга хизмат кўрсатиш бўйича марказ иш бошлаган эди.