“Ўзбекистон ҳаво йўллари” йўловчиларга Урумчи аэропортининг янги талаблари ҳақида маълумот берди
Дата: 14:34, 14-08-2014.
Тошкент. 14 август. ЎзТАГ – “Ўзбекистон ҳаво йўллари” миллий авиакомпаниясининг матбуот хизмати Урумчи аэропортининг келувчи ва кетувчи йўловчиларга нисбатан янги талаблари ҳақида маълумот берди, дея хабар қилади Ўзбек телеграф агентлиги (ЎзТАГ).
Уларга мувофиқ, 20 августдан бошлаб битта багажнинг оғирлиги 35 кгдан ошмаслиги, битта багаж жойининг каталиги эса 100смх60смх40смдан кўп бўлмаслиги зарур, шунингдек, барча электрон қурилмалар, маиший техника, автоэҳтиёт қисмлар ва бошқа металлдан ишланган детал ва механизмлар юк сифатида юк омбори орқали расмийлаштирилиб, тегишли хужжатга эга бўлиши лозим.
