“Ўзбекнаво” таниқли ўзбек хонандасини лицензиядан маҳрум қилди

Тошкент. 15 июн. ЎзТАГ - Таниқли ўзбек хонандаси Лола Йўлдощева эстрада-концерт фаолиятига олган лицензиясидан маҳрум қилинди, деб хабар беради Ўзбек телеграф агентлиги (ЎзТАГ) “Ўзбекнаво” эстрада бирлашмасига ассоланган ҳолда.

Муассаса матбуот хизмати маълумотига кўра, хонанданинг лицензияси “лицензия шартномасида кўзда тутилган талаб ва шартларнинг бузилиши” муносабати билан 2015 йил 14 июлдан бошлаб бекор қилинган.

Эслатиб ўтамизки, “Лола” тахаллуси билан танилган Лола Йўлдощева 1985 йил 4 сентябрда Тошкентда туғилган. 10 ёшидан бери саҳнада. “Халқаро “Жар-птица” танлови (Иваново, Россия) Гран-приси лауреати. Кинода ҳам суратга тушган.

Хонанда 2001 йилда “Нетайин” қўшиғи билан кўпчиликнинг тилига тушади. Шу йилнинг ўзида Лола “Нетайин” қўшиғи учун “Йил қўшиғи” мукофотини олади.

2002 йилда “Нетайин” номли ўзбек тилидаги биринчи альбомини чиқаради.

2004 йилда унинг “Муҳаббатим” номли иккинчи альбоми чиқади ва “ИСТИҚЛОЛ” саройида илк яккахон концерти бўлиб ўтади.

2005 йилда Лола истеъдодли ёшларга бериладиган “НИҲОЛ” давлат мукофотини олади. Кейинги йилларда Лола ҳар икки йилда Тошкентда катта концертлар беради.