“Ўзбекнефтегаз” геология қидируви учун янги хорижий компанияларни жалб қилади

Тошкент. 4 январ. ЎзТАГ – “Ўзбекнефтегаз” етакчи ихтисослашган хорижий компаниялар билан биргаликда конларни қидириш ва уларда ишлаш билан шуғулланувчи янги қўшма корхона ташкил қилиш ниятида, деб хабар беради Ўзбек телеграф агентлиги (ЎзТАГ).

“Ўзбекнефтегаз” миллий холдинг компанияси “Сечанкўл, Оқжар ва Чимбай инвестиция блокларида геология қидирув ишларини амалга ошириш, шунингдек, Урга, Оқчалақ ва Чандир кон гуруҳларини ишлаш” янги инвестиция лойиҳасини амалга оширишга тайёрламоқда. Лойиҳани амалга ошириш тенг шартларда хорижий инвестициялар иштирокида корхона яратиш йўли билан амалга оширилади”, – деб таъкидлашди компания матбуот хизматида.

Хорижий инвесторни ажратиб олиш танлов асосида амалга оширилади. Лойиҳани амалга оширишдан манфаатдор бўлган нефтегаз компаниялари танловда қатнашиш учун ўз фаолияти ҳақидаги маълумотни илова қилган ҳолда расман мурожаат қилишлари зарур.

Аризаларни қабул қилишнинг энг сўнгги муддати 2016 йил 8 январ соат тошкент вақти билан 17.00.