“Ўзбекнефтегаз”нинг бош институти акционерларини дивидендлар билан хурсанд қилди

Тошкент. 12 июн. ЎзТАГ – Геология, нефт ва газ конларини қидириш ва аниқлаш институти (“ИГИРНИГМ” ОАЖ) акционерларининг йиллик ялпи мажлисида дивидендлар тўлашга 155,2 млн сўм ($67,3 минг) ажратиш тўғрисида қарор қабул қилинди, дея хабар беради Ўзбек телеграф агентлиги (ЎзТАГ).
Хусусан, ҳар битта акцияга (уларнинг сони 15,36 минг дона) 10,1 минг сўмдан ($4,38) тўланади. Бу номиналига 10,6% демакдир.
Тўловлар 2014 йил 27 июлгача давом этади.
Эслатиб ўтамизки, 2013 йил якунлари бўйича институт 620,1 млн сўм ($274 минг) соф фойда олган. 2014 йил бошига келиб муассасанинг асосий фондлари қиймати 1,484 млрд сўмни ($655,78 минг) ташкил этган.
“ИГИРНИГМ” ОАЖ – “Ўзбекнефтегаз” МХКнинг геология, нефт ва газ конларини қидириш ва аниқлаш, нефт ва газ чиқиш истиқболларини баҳолаш бўйича бош институти. Шунингдек, институт Ўзбекистондаги геология-қидирув ишларининг стратегик ва тактик йўналишларини белгилашда асосий ижрочидир.