“Ўзбекнефтегаз” Шўртан ГКМ қувватини 4 бараварга оширишни режалаштирмоқда

Тошкент. 5 апрел. ЎзТАГ – “Ўзбекнефтегаз” Миллий холдинг компанияси (МХК) Тошкентда Шўртан газ кимё мажмуи қувватларини кенгайтириш бўйича инвестиция лойиҳасини амалга оширишнинг янги концепцияси тақдимотини ўтказди, деб хабар беради Ўзбек телеграф агентлиги (ЎзТАГ).

“Лойиҳа амалга оширилгач полимерлар ишлаб чиқарувчи заводнинг қуввати ҳозирги 125 минг тоннадан 500 минг тоннагача, яъни 4 бараварга ошади. Натижада нефтекимё саноатини янада ривожлантириш учун кенг имкониятлар очилади. Лойиҳа синтетик нафтани қайта ишлаш ва полиэтилен ва полипропиленнинг янги турларини ишлаб чиқаришни кўзда тутади”, - деб таъкидлашди компанияда.

“Ўзбекнефтегаз” маълумотларига кўра, янги концепция доирасида синтетик нафтанинг олефинларга қараб ўзгартирилиши ва янги полимерлар турларининг ўзлаштирилиши ундан оптимал фойдаланишни таъминлайди.

Лойиҳанинг умумий қиймати $400 млндан зиёд, бундан $250 млни хорижий инвестор томонидан киритилади.