“Ўзбекнефтегаз” ўз ёқилғи қуйиш шохобчаларининг бир қисмини россиянинг “Лукойл” компаниясига сотгани ҳақидаги маълумотларга раддия берди
Тошкент. 15 июн. ЎзТАГ – “Ўзбекнефтгаз” миллий холдинг компанияси бошқарув раиси Алишер Султонов Халқаро Пресс-клубдаги чиқишади Россиянинг “Лукойл” компанияси эски ёқилғи қуйиш шохобчаларини сотиб олиши ҳақидаги гап-сўзларни радъ этди, деб хабар беради Ўзбек телеграф агентлиги (ЎзТАГ).
“Лукойл”нинг кимнингдир ёқилғи қуйиш шохобчаларини харид қилиши – уйдирмадан бошқа нарса эмас! “Лукойл” – ўз корпоратив сиёсатига эга бўлган нуфузли компания, шу боис ҳеч қачон бундай қилишни ўзига эп кўрмайди. Компания янги жой сотиб олиб, ўша ерга янги шохобча қуради”, - деб таъкидлади холдинг раҳбари.
Султоновнинг сўзларига кўра, Ўзбекистонда ЁҚШ россия компаниясига сотилиши ҳақида миш-мишлар пайдо бўлганда “Лукойл” вакиллари у билан учрашиб, эски ЁҚШ сотиб олишни эмас, балки янгилари тармоғини қуриш ниятида эканликларини айтишган.
Эслатиб ўтамизки, 2017 йил февралда UzGazOil ёқилғи шахобчалари “Ўзбекнефтегаз”га ўтказилган эди. Ўшанда уларнинг бир қисми Россиянинг “Лукойл” компаниясига сотилиши мумкинлиги ҳақида маълумотлар пайдо бўлган эди.
