“Ўзбектелеком” интернет сифатининг Россиядаги ишлар муносабати билан ёмонлашиши ҳақида олдиндан огоҳлантирди
Дата: 15:55, 19-07-2016.
Тошкент. 19 июл. ЎзТАГ – “Ўзбектелеком” акционерлик компанияси интернетга чиқиш сифатининг Россиядаги ишлар муносабати билан ёмонлашиши ҳақида олдиндан огоҳлантирди, деб хабар беради Ўзбек телеграф агентлиги (ЎзТАГ).
“Ҳурматли абонентлар! “Ўзбектелеком” АК маълумотига кўра, Россия ҳудудида ўтказилаётган режадан ташқари ишлар туфайли 19 июл куни (Тошкент вақти билан 01.00дан 08.00га қадар) ва 21 июл куни (01.00дан 06.00га қадар) Интернет ишламаслиги ёхуд унга уланишда маълум муаммолар туғилиши мумкин”, - дейилади Sarkor Telecom провайдери сайтида жойлаштирилган маълумотда.
Таъкидланишича, “Ўзбектелеком” АК вужудга келган вақтинчалик ноқулайликлар учун ўз мижозларидан узр сўраган.
