“Ўзбектелеком” стационар телефонлар учун янги тарифлар жорий қилди

Тошкент. 5 январ. ЎзТАГ – 2016йил 1 январдан “Ўзбектелеком” АК стационар телефонлар учун “Шахар”, “Вилоят” ва “Республика” янги тарифларини жорий қилди, деб хабар беради Ўзбек  телеграф агентлиги (ЎзТАГ).
Компаниядан хабар беришларича, янги тариф режалари абонентларга (жисмоний шахсларга) телефон тармоғидан киритилган лимит доирасида шаҳар, вилоят ёки бутун Ўзбекистон бўйлаб чиқиш қўнгъироқларидан фойдаланиш имконини беради.
Бундан ташқари, барча тарифларда “Ўзбектелеком” АК тармоғи ичидаги киритилган лимитга “ЎзМобайл” филиали GSM ва CDMA тармоғига чиқиш қўнғироқлари ҳам киради.
Шунингдек, барча тариф режаларида киритилган лимитда Ўзбекистондаги бошқа алоқа операторлари тармоғига чиқиш қўнғироқлари кўзда тутилган.
Эслатиб ўтамизки, “Ўзбектелеком” АК Ўзбекистоннинг энг йирик телекоммуникация оператори бўлиб, компания таркибида 22 филиал, 14 ҳудудий бўлинма, 8 ихтисослашган ва 3 шўъба корхоналари мавжуд.
Ширкат мобил ва симли алоқа, шаҳарлааро ва халқаро алоқа алоқаси, маълумотлар узатиш ва интернет хизматлари кўрсатувчи ҚК улушларга эга.