“Ўзбектелеком” яна провайдерлар учун тарифларни туширди

Тошкент. 11 декабр. ЎзТАГ – “Ўзбектелеком” акционерлик компанияси 2015-йил 4-декабр кунидан Ўзбекистон провайдерлари учун интернет-хизматларига тарифлар 1 Мбит/с. учун (ташқи каналда) $177,23га туширилганини маълум қилди, деб хабар беради Ўзбек телеграф агентлиги (ЎзТАГ).

Компаниядан маълум қилишларича, жорий йилда тарифлар 16 марта туширилди. Жумладан, тарифлар 1 Мбит/с. учун 1-январдан $259,29гача, 7-январдан $257,42гача, 8-январдан $253,74гача, 22-январдан $251,94гача, 27-февралдан $240,2гача ва 17-мартдан бошлаб $233,27гача, 2-июндан $219,01гача, 11- июндан $206,97гача, 1-июлдан $205,12гача, 22-июлдан $204,01гача, 3-августдан $202,9гача, 1-октябрдан $201,83гача, 9-октябрдан $199,68гача, 1-декабрдан $190,07гача, 2-декабрдан $185,17гача ҳамда 4-декабрдан 1 Мбит/с. учун $177,23гача туширилди.

Эслатиб ўтамизки, 2014-йилда тарифлар 6 марта: 2014-йил 1 Мбит/с. учун январ ойида $306дан, декабр ойидан $265гача туширилган эди.