“Ўзбектелеком” йил бошидан бери провайдерлар учун интернет-хизматлар тарифларини 13-марта пасайтирди

Тошкент. 15 октябр. ЎзТАГ – “Ўзбектелеком” акционерлик компанияси йил бошидан бери провайдерлар учун интернет-хизматлар (ташқи канал) тарифларини 1 Мбит/секундига $201,83дан $199,68га қадар пасайтирди, деб хабар беради Ўзбек телеграф агентлиги (ЎзТАГ) компания сайтидаги маълумотга асосланган ҳолда.

Маълумотда айтилишича, компания тарифларнинг 2015 йил 9 октябрдан бошлаб туширган.

Компания жорий йилда тарифларни 13 марта пасайтирган. Хусусан, 1 январдан нархлар 1 Мбит/секундига $259,29гача, 7 январдан $257,42 гача, 8 январдан $253,74 гача, 22 январдан $251,94 гача, 27 февралдан $240,2 гача, 17 мартдан $233,27 гача, 2 июндан $219,01 гача, 11 июндан $206,97 гача, 1 июлдан $205,12 гача, 22 июлдан $204,01 гача, 3 августдан $202,9 гача, 1 октябрдан $201,83 ва 9 октябрдан $199,68 гача туширилган.

Эслатиб ўтамизки, 2014 йилда хизматлар баҳоси 6 марта: январда 1 Мбит/секундига $306дан декабрда $265 гача пасайтирилган эди.