“Ўзбектуризм” бир туркомпания лицензиясини чақириб олди ва 22 сайёҳлик ширкатини огоҳлантирди
Дата: 18:00, 30-06-2015.
Тошкент. 30 июн. ЎзТАГ – “Ўзбектуризм” миллий компанияси бир туркомпания лицензиясини чақириб олди ва яна 22 сайёҳлик ширкатини бу ҳақида огоҳлантирди, деб хабар беради Ўзбек телеграф агентлиги (ЎзТАГ) компания сайтидаги маълумотга асосланган ҳолда.
Хусусан, туристик йиғимни вақтида ва қонунчиликда белгиланган миқдорда тўламаганлиги учун “BO’STON TURIZM SERVIS” МЧЖ лицензияси чақириб олинган.
Қолган 22 туркомпаниялар ҳам худди шу сабабли лицензиядан маҳрум бўлиши мумкин.
“Ўзбектуризм”нинг хабар қилишича, шундай таклиф билан муассаса Вазирлар Маҳкамасининг Туристик фаолиятни лицензиялаш бўйича комиссиясига мурожаат қилган.
