“ЎзмедЭкспо” кўргазмасида 50дан зиёд компаниялар иштирок этади

Тошкент. 15 сентябр. ЎзТАГ – 20-22 сентябрда Тошкентда “ЎзмедЭкспо” 10-халқаро кўргазмаси бўлиб ўтади, деб хабар беради Ўзбек телеграф агентлиги (ЎзТАГ).

Бу ҳақида тадбир ташкилотчиси IEG Uzbekistan компанияси хабар қилмоқда.

Кўргазма иштирокчилари орасида Ҳиндистон, Хитой, Қозоғистон, Россия, Чехия, Жанубий Корея ва Ўзбекистондан бўлган 50 ортиқ компаниялар бор. Иштирокчиларнинг 30%ини хорижий қатнашчилар ташкил қилади. Компаниялари умумий сонининг 62% мунтазам иштирокчилар, 38% янги иштирокчилардир.

2017 йилги кўргазманинг ўзига хос жиҳатларидан бири иштирокчилар сонининг кўпайгани, шунингдек, Ҳиндистон ва Жанубий Корея экспозицияларининг тақдим этилишидир. Улар орасида 20 етакчи компаниялар бор.

Хорижий ишлаб чиқарувчилар билан бирга кўргазмада дунёдаги энг йирик тиббий асбоб-ускуналар ишлаб чиқарувчиларнинг ҳамкорлари бўлган маҳаллий дистрибюторлар ҳам қатнашишмоқда.

Анъанага кўра, кўргазма меҳмонлари маҳаллий ишлаб чиқарувчилар тақдим этган кенг турдаги тиббий мебелларни кўришлари мумкин.

Кўргазма доирасида бир қатор семинарлар ўтказиш режалаштирилган.